Usuarios e traballadores de residencias das sete áreas sanitarias reciben 350 doses da vacina contra a covid

• Un problema loxístico da farmacéutica Pfizer, que afectou a sete países europeos, retrasou un día o inicio da campaña
• Mapa de España | Mapa mundial
• Municipios confinados | Evolución de la curva​ | Qué se sabe de la vacuna

Usuarios e persoal de residencias reciben a vacina contra a covid

Sanidade decidiu administrar este martes as doses sobrantes da primeira remesa de cincocentas vacinas coas que o Sergas abriu o domingo, de xeito oficial, a campaña.

Chegan a Galicia 18.000 doses

Hoxe chegou a Galicia o primeiro dos 12 lotes semanais que recibirá cada comunidade autónoma nesta primeira fase. 18.000 doses que permitirán comezar mañá o primeiro dos dous ciclos de vacinación precisos para acadar a maior inmunización.

Primeira vacinada na área sanitaria de Vigo

María Bello, de 83 anos foi a primeira das usuarias en recibir a vacina na área sanitaria de Vigo. É usuaria da residencia Santa Marta de Ponteareas onde administraron 54 doses, a todos os residentes presentes e a meirande parte dos traballadores. Algún non deu o seu consentimento.

O centro non rexistrou ningún caso de covid dende marzo. A directora amosouse agradecida por seren elixidos e poder iniciar un novo ciclo que da máis tranquilidade nesta pandemia.

A imaxe repetiuse en centros de maiores das sete áreas sanitarias de Galicia.

Mil vacinas ao día

Sanidade calcula que a primeiros de febreiro estarán inmunizadas en Galicia 37.000 persoas, todos os usuarios e o persoal das residencias de maiores. É a poboación diana, xunto cos sanitarios que traballan en contacto directo con enfermos con covid. Nesta fase contan con vacinar mil persoas ao día.

A enfermeira Nuria Pardellas traballa no centro de saúde de Redondela. Presentouse voluntaria e recibiu formación para entrar nos equipos que se desprazan aos centros. En Ponteareas, dixo que, sumando o rexistro e a inxección,  tardou uns sete minutos en vacinar a cada persoa, pero que, coa experiencia, en próximos días poderían reducir o tempo medio. O xerente da área sanitaria, Javier Puente, asegurou que os equipos de enfermaría son persoal dos centros de saúde que foi substituído.