Volta á normalidade nos centros de día

• Milleiros de usuarios recuperan pouco a pouco a rutina anterior á pandemia polo alivio das restricións
• Case todos están vacinados, o que lles permite o contacto físico coas coidadoras

Centros de dia: a normalidade gaña terreo

Pasear, facer exercicio, e recuperar o contacto interpersoal. Son Actividades que volven ser cotiás nos centros de día, nos que todos os usuarios teñen a pauta completa da vacina contra a covid e xa poden ter contacto físico coas coidadoras.

“Gústalles tocarte, darche bicos. Antes non se podía“

Di a xerente do centro de día do barrio da Ponte, de Ourense, que "gústalles tocarte, darche bicos. Antes non se podía".

Saen a pasear

Dende o pasado dez de maio, tralo remate do estado de alarma, tamén poden saír a pasear en parellas cunha auxiliar.

“Na casa gústame saír, pero teño unha nora que me pecha a porta“

A usuaria, Dolores Carbajales, di que "na casa gústame saír, pero teño unha nora que me pecha a porta"

Outra medida que se relaxou coa desescalada é a da distancia interpersoal. Agora pódense sentar xuntas nas mesas en parellas para xogar.

As medidas que se manteñen son a desinfeción de mans cada pouco e cambio de máscaras cada catro horas.