Morren tres mozos nun accidente de tráfico en Caldas de Reis

• O condutor do coche non tiña carné, non parou nun stop e fixo un xiro incorrecto
• Chocaron mortalmente contra un camión, que acabó envorcando

Tráxico accidente en Caldas de Reis, con tres mozos falecidos

O accidente sucedeu a pasada noite en Caldas de Reis, na estrada nacional ata Pontevedra, cando o vehículo no que viaxaban os tres mozos xirou incorrectamente á dereita e chocou contra un camión.

“Ai hai que xirar á dereita obrigatoriamente, pero por razóns que se descoñecen xiraron á esquerda“

O alcalde de Caldas, Xosé Manuel Rey, fala da gravidade da manobra."Ai hai que xirar á dereita obrigatoriamente, pero por razóns que se descoñecen xiraron á esquerda. Ademáis, sendo de noite, suponse que verían as luces do camión, pero non foi así".

Era dous rapaces e unha rapaza, de 18, 19 e 24 anos. O condutor tiña 19 e conducía sen carné.

O camión envorcou

A causa do choque, o camión envorcou. O condutor puido sair polo seu propio pé pero o seu acompañente saíu despedido da cabina e está en estado moi grave no hospital. As probas de alcol e drogas ao condutor do camión deron negativas. Para excarcerar os tres falecidos acudiron os bombeiros do Salnés e protección civil de Caldas e de Cuntis.