O cemiterio da fin do mundo: vinte anos agardando polos seus mortos

Pasados máis de vinte anos, no concello de Fisterra, continúa sen ser utilizado o coñecido como cemiterio de Portela. Un camposanto asentado en plena natureza, que obtivo o recoñecemento internacional ó conseguir numerosos premios de arquitectura. Agora o concello mantén contactos con distintas administracións para "dar vida" a este cemiterio, nun proxecto enmarcado nun plan máis global para toda a zona.