O BNG encabezou este mediodía unha manifestación en Santiago reclamando a Xunta e Goberno central solucións á crise de prezos para evitar o colapso dos sectores económicos galegos.
A outra manifestación que percorreu as rúas de Compostela foi a dos bateeiros. Afirman que o futuro do sector está en xogo se continúan as restricións para a extracción de mexilla.
Continúa a estas horas en Marín unha nova concentración dos familiares dos falecidos no Villa de Pitanxo, en augas de Terranova, no mes de febreiro. Piden que se retome a busca dos corpos.
Este é un dos asuntos, precisamente, sobre o que conversamos no tempo da entrevista coa Valedora do pobo. Dolores Fernández Galiño, considera que o Goberno español debería dar máis explicacións ós familiares dos desaparecidos.
