Crónica de Galicia - 05/09/24

As chuvias do mes de xullo, máis abundantes do normal, deron un respiro ós montes galegos este verán. Pero estas últimas semanas, cun agosto notablemente máis seco do habitual, crearon o entorno pra que os incendios volvan ós nosos titulares. Hai dous importantes agora en activo, e neles se concentran arestora moitos medios, especialmente aéreos, pra tratar de poñelos baixo control. Un chegou do país veciño, onde leva máis dun milleiro de hectáreas arrasadas. O outro apareceu tralo solpor, nunha práctica xa habitual entre os incendiarios, e chegou ameazar varias parroquias.