A Xunta pide que se lexisle pra poder facer obrigatoria a vacinación contra a Covid dos colectivos máis sensibles: sanitarios e coidadores de anciáns. Unha petición que o PSdeG cre que xera un debate ficticio, din que non hai rexeitamento no sector. Falan de cortina de fume pra tapa-lo colapso da atención primaria e o mal funcionamento dos rastrexos. Uns rastrexos que os sindicatos critican que se adxudicaran a unha empresa privada.
Unións Agrarias da a benvida á plataforma Conta Láctea, recén anunciada pola Xunta. Utilizarana pra demostrar que están a pagarlles polo litro de leite moito menos do que custa, que se está a incumprir a legalidade.
Os traballadores do grupo R en Galicia agardan compromisos concretos de mantemento do emprego, tras facerse o grupo Másmovil con Euskaltel, dono da cableira galega. Másmovil lanza unha mensaxe de tranquilidade e di que a operación non afectará ós postos de traballo de R en Galicia.
