187 mil nenos de infantil, primaria e educación especial retomaron hoxe a rutina das aulas. Fano cos protocolos de separación, entrada escalonada e hixiene do ano pasado, pero con algún alivio nas normas dos patios e das aulas. Tamén algunha protesta pola redución de aulas e mestres
Os médicos de Atención Primaria protestan hoxe en Carballo e na Coruña contra a saturación das consultas. Hai pacientes que teñen que agardar ata 15 días para unha consulta, namentres os profesionais se sinten desbordados.
Novo descenso significativo dos casos activos de coronavirus. Agora xa son menos de 5 mil. Tamén baixan os hospitalizados: hai 160 persoas ingresadas, 9 persoas menos ca no anterior reconto.
Satisfacción entre as persoas con inmunodepresión que van empezar a recibir unha nova dose da vacina contra a COVID. Aínda que confía nos profesionais, teñen certo medo aos efectos da terceira dose da vacina.
Tra-los incendios, en Ribas de Sil, Quiroga e Pobra de Brollón preocupa o posible arrastre de cinsas coas chuvias. Algunhas casas salváronse porque tiñan limpa a franxa próxima. O tipo de bosque tamen é clave pra frear o lume.
