Un fondo coa cara en grande de José Ramón Gómez Besteiro, os lemas 'España avanza' e 'Agora camiña Galicia'. É a escenificación da convención do PSdeG que se celebra na Cidade da Cultura de Santiago. Presenza do presidente do goberno, Pedro Sánchez: aposta polo diálogo, pola construción de alianzas entre formacións políticas. Convencido de que 2024 será ano de cambio político en Galicia.
É a antesala dos comicios autonómicos: Sánchez en Compostela; na Coruña, Yolanda Díaz. Sumar escolleu Palexco para a presentación oficial da súa comisión promotora. Confía tamén nese cambio.
Á marxe da apretada axenda política, o detido como presunto autor dunha agresión á súa muller en Santiago ingresa en prisión provisional.
De contado imos cos detalles. No tempo de entrevista conversaremos con Yolanda Castaño, Premio Nacional de Poesía, quen esta semana vén de recibir o galardón Ramón Piñeiro de ensaio
