Crónica de Galicia - 16/08/23

39 persoas representarán a Galicia na décimo quinta lexislatura que comezará mañá no Congreso e Senado, e xa coñecemos cales son as prioridades dos respectivos grupos, as que levarán á axenda parlamentaria para defender os intereses dos galegos. O PP centrarase na captación de fondos; PSOE e Sumar queren frear o despoboamento e o BNG pide máis autogoberno.

Os nacionalistas anunciaron por certo esta mañá o seu apoio á proposta socialista para que a balear Francina Armengol sexa a próxima presidenta do Congreso.