Noticias de Galicia - Novas de Galicia en Rne
A dous días dunha nova reunión da comisión que vai investigar no parlamento os contratos realizados pola Xunta con persoas vencelladas ó PP, o parlamento rexistraba un novo enfrontamento entre o presidente da Xunta e a lider nacionalista a conta da imposición polos populares dun plan de traballo que exclúe algunhas das peticións de comparecencia da oposición. Ana Pontón elevaba o tono e adiantaba que usarán tódolos mecanismos legais ó seu alcance pra controla-la acción de goberno. Denunciaba a deriva antidemocrática do PP, mentres Alfonso Rueda lle preguntaba se está en condicións de afirmar que ningunha persoa da súa contorna tivo contratos con administracións nas que o BNG teñan responsabilidades.
