Crónica de Galicia - 20/12/24

Cada femicidio é un fracaso do sistema. É a mensaxe que hoxe trasladan ás rúas as plataformas feministas agrupadas na Marcha Mundial das Mulleres, que celebrarán nesta xornada concentracións e marchas nunha trintena de localidades. Pouco máis dun mes trala morte de Estela Blach en Baiona, toca volver reclamar unha resposta contundente contra a violencia machista, agora polo asasinato de Rejane Soares... É a quinta vez este ano que se mobilizan. 5 mortas, e catro rapaces orfos por unha violencia que non cesa. O acusado do asasinato de Viveiro acude hoxe ó xulgado pra prestar declaración, tras non facelo en dependencias policiais.