A líder do BNG, Ana Pontón, abre unha reflexión pra decidir cal será o seu futuro na organización. A muller que conseguiu os mellores resultados da historia do Bloque podería non concorrer nesa Asemblea pra seguir liderando o partido.
O lecer nocturno pide indemnizacións e estuda novas mobilizacións. Estiman que só o 30 % dos establecementos están abertos, e a súa facturación é o 6% da de hai dous anos.
Os traballadores do matadoiro de Betanzos acoden hoxe a un cribado tras detectarse un gromo na planta, con oito positivos. O comité de empresa denuncia que se perderon dez días desde que apareceron os primeiros casos.
Os traballadores de ENCE queren que a ministra vaia a Pontevedra, para a mesa polo futuro da pasteira. E que se garanta a continuidade da actividade da factoría en Lourizán mentres non se atope unha solución
Cita co metal en Viveiro, cunha edición limitada do Resurrectión Fest como consecuencia da pandemia. Ata o sábado actuarán quince bandas. O aforo este ano queda reducido a 1.500 persoas ó día, que terán que permanecer sentadas, mantendo as distancias de seguridade.
