A vacinación entra en Galicia nunha nova fase. Logo de que todolos tramos de idade pasaran polo sistema de cita automática, o Sergas lánzase a repescar ós que non se sumaron a este sistema. Ás 3 da tarde abrese unha nova fase de autocita, con 25 mil ocos pra rapaces de 12 a 19 anos e 30 mil ocos pra maiores de 30.
Animalistas e cazadores consideran ineficaz a emerxencia cinexética pra controlar a poboación de xabarís. Libera teme que se abata a outras especies. Os cazadores reclaman un plan que tome medidas durante todo o ano e compensacións ós agricultores polos danos.
Seguen os anuncios de peches de oficinas bancarias e as protestas. No concello pontevedrés de Portas convocan pleno extraordinario. En Campo Lameiro hai unha manifestación esta tarde.
UGT e COmisions obreiras anuncian mobilizacións dos traballadores de Correos. Denuncian que a dirección está reducindo os servizos dos concellos rurais, co peche de oficinas, reducción de horarios e a eliminación de 150 postos de traballo.
A marca galega Deleite, primeira en vender leite A2 en España. É como se coñece un leite cunha selección natural de proteínas que o fai máis dixestivo.
