Crónica de Galicia - 27/10/23

A Xunta fala de desinformación do executivo central, a delegación do goberno di que se transmiten os datos conforme se teñen. É o resumo da situación xerada polo anuncio da chegada de centos de migrantes a Galicia, procedentes de Canarias.

Está no aire aínda o número e os destinos destas persoas. Concellos coma Sobrado dos Monxes din que non contan coa infraestrutura necesaria. Sanxenxo si a ten, pero os hostaleiros aínda non teñen información ó respecto das chegadas. E tamén se busca espazo nos albergues do Camiño.