Alfonso Rueda tomará posesión como novo presidente da Xunta, previsiblemente, o 14 de maio. O presidente do Parlamento inicia este luns a rolda de contactos cos grupos políticos de cara á investidura. Vaise pechando o calendario do proceso unha vez que a renuncia de Feijóo xa aparece publicada hoxe oficialmente no DOG e no BOE.
Da pandemia, o máis destacado... que continúan subindo os casos. Agora a piques de chegar ós 18 mil. Con todo, hai 28 persoas menos ingresadas con covid nos hospitais.
Nas estradas, un motorista falecido esta madrugada en Paderne, A Coruña.
É día tamén de tristes aniversarios. Hoxe cúmprense 28 anos do dobre crime do Cash Récord en Lugo e 20 da desaparición e morte da moza viguesa Déborah Fernández.
No tempo da entrevista, falamos co cineasta Ángel de la Cruz.
