Crónica de Galicia - 30/11/23

Pendentes arestora da evolución dos dous tripulantes dun pesqueiro vigués que tiveron que ser rescatados en helicoptero tras sufrir un accidente a 100 millas de Escocia. O buque deu aviso de madrugada, e esta mañá procedeuse ó rescate. Os dous tripulantes están a ser atendidos en Escocia, e as súas familias viaxan nestes intres ata aló. O buque LODAIRO levaba 34 tripulantes a bordo.

POr outra banda, a investigación sobre a desaparición e morte dun veciño de Mazaricos deu un xiro nas últimas horas... os axentes despregados na zona na que se atopou o seu cráneo atoparon catro bolsas con restos mortais. Investígase se corresponden a Antonio Tuñas ou a outro desaparecido na zona.