-Indignación entre os afectados polas participacións preferentes de toda Galicia, tras coñecer que finalmente perderán entre un 22 e un 65 por cento dos seus aforros. Hoxe houbo protestas en numerosos puntos da comunidade. As plataformas recomendan non asinar as quitas nin as canxes. ADICAE anuncia que impugnará as novas quitas ó consideralas ilegais.
-O valedor do pobo pide no Parlamento que a xustiza actúe pola vía penal contra os responsables da comercialización das preferentes.
-Nace a primeira asociación de afectados por silicose en Galicia. Xorde no Porriño, onde se concentran as canteiras de pedra de gran.
-Concentracións de traballadores da xustiza contra a privatización do rexistro civil, a unificación dos partidos xudiciais e a suba das taxas.
