Informativo A Coruña 8:45 - 08/01/24

Na Coruña, o BNG pídelle ó goberno local que se reuna co comité de empresa de Nostián para darlle información sobre a tramitación do novo contrato da planta.

En Carballo o goberno, do BNG, agarda sacar adiante esta xornada o orzamento máis alto da historia da vila: 31 millóns 500 mil euros.

No xudicial, hoxe na Coruña, será xulgado o home acusado de intentar matar a súa parella en Carballo en maio de 2022. A fiscalía pide 13 anos de prisión para José Alberto Casal .

Deportes. O Racing de Ferrol perdeu na Malata por Un a dous contra o Sevilla que se clasifica así pra octavos da final da copa do Rei.