A pandemia segue a medrar nas nosas provincias. Cada día desta semana engadíronse de media uns 100 novos casos de Covid. Este aumento non se chega a trasladar de todo á presión hospitalaria. Sobe na área sanitaria da Coruña, pero baixa na de Santiago e mantense en Lugo e Ferrol.
Con bastante afluencia comezou a quenda de vacinación para menores de trinta anos convocados na área santiaria de Santiago. Citouse primeiramente a mil persoas na Cidade da Cultura.
As víctimas do accidente do Alvia celebran hoxe a súa asemblea anual no pazo de Faramelo. A apertura do xuizo oral deixa neles sentimentos encontrados.
Un milleiro de empregos creará a fábrica de bases eólicas mariñas que se instalará dentro do estaleiro de Navantia en Fene. Iberdrola, Navantia e Windar asinaron o convenio para a súa posta en marcha.
