Informativo Galicia 19:50 - 07/10/21

A Xunta decreta tres días de loito oficial polo repentino falecemento do conselleiro de Facenda Valeriano Martínez. O vicepresidente da Xunta, Alfonso Rueda, asumirá temporalmente a súa carteira.

O Parlamento galego suspendeu a súa actividade en sinal de dó e os membros do Goberno gardaron un longo minuto de silencio na súa memoria.

Falamos hoxe tamén doutros asuntos... O xulgado de Lugo finaliza a investigación da principal peza da Operación Pokémon.

E iremos ao Pazo de Meirás, onde tras un acto de homenaxe ás vítimas da ditadura franquista, o Goberno anunciou que prepara unha demanda civil para recuperar os bens das Torres.

Ampliamos decontado estas e outras novas.