Informativo Galicia 19:50 - 14/06/21

Máis de 500 hectáreas de monte arderon esta fin de semana en Galicia. Esta tarde os equipos que traballan sobre o terreo conseguiron extinguir o lume que calcinou en Folgoso do Courel 185 hectáreas. En Salvaterra do Miño están controladas as chamas que arrasaron xa unha superficie de 350 hectáreas.

Hoxe sucedéronse en Galicia as concentracións para condenar a violencia machista. Nos tres primeiros meses do ano aumentou o número de mulleres vítimas.