Os orzamentos galegos de 2024 pasaron o exame: superaron esta tarde o debate das emendas de totalidade e continúan a súa tramitación entre críticas de sindicatos polos escasos investimentos en sanidade e da coordinadora eólica polas axudas ós proxectos das empresas enerxéticas.
Todo nun día no que os grupos políticos miran a Madrid: ó novo consello de ministros. O PP agarda que se cumpran os compromisos en Industria, o BNG di que estará vixilante e o PSdG está convencido de que Galicia sairá moi beneficiada co novo goberno.
E hoxe moitos sufrirían os atrasos dos trens. Nova xornada de problemas na liña Vigo-A Coruña, o goberno promete solucións, os viaxeiros habituais desesperan.
De contado máis detalles, antes imos escoitar como quedou a asemblea dos bombeiros comarcais que vén de rematar. Xa anuncian: haberá folga de fame.
