Informativo Galicia 19:50 - 26/10/23

O temporal que nas últimas horas afecta a Galicia mellorou coa entrada da tarde. Con todo, por momentos seguiron os chuvascos intensos. Segundo as últimas cifras do 112, contabilizáronse máis de 130 incidencias. A maioría, na provincia de Pontevedra. Foron, sobre todo, balsas de auga, árbores na estrada e inundacións.

Por outra banda, en relación cos 400 migrantes que chegarán a Galicia procedentes de Canarias, o Goberno aclara que estarán na comunidade como máximo un mes. É a resposta a unha carta da consellería de Política Social, na que se solicitaba información a este respecto.

E un anuncio da Xunta: oferta de emprego con máis de 600 prazas de acceso libre para 2023.