Outro día máis falamos do gromo de Covid con orixe en Mallorca. Son xa 155 as persoas contaxiadas de coronavirus en relación con este brote. Do voo que este sábado chegou desde Mallorca a Santiago, 49 persoas deron positivo nas probas, 33 delas son estudantes e outras 16 pasaxeiros do avión. Hoxe está previsto que saian en barco ata Valencia os que ainda quedan na illa balear e logo serán as comunidades os que o trasladen.
Manifestación nas Pontes contra o peche da térmica. Suporá que xa hai desprazamentos de operarios e despedimentos. A protesta tamén pretendía denunciar a falta de solucións por parte de Xunta e Goberno central.
E desde hoxe e ata o sábado, os xardíns do Pazo de Meirás abren para as vítimas do franquismo, os seus familiares e entidades memorialistas
