Informativo Galicia 7:45 - 02/09/21

Que tal, bos días.... continuamos pendentes do ceo en Lugo e Ourense, que se manteñen en risco amarelo por tormentas. No Ribeiro, produtores e Xunta avalían, ás portas da vendima, os danos nas vides. Unións Agrarias advirte de destrozos espallados por distintas zonas.

Está preto o novo plan para a hostalaría en Galicia... O sector e o goberno galego avanzan neste protocolo pero quedan aínda detalles por pechar. As dúas partes emprázanse a novas reunións. De momento xa acordaron a reapertura das barras aínda que está pendente de concretar a partir de cando e baixo que condicións.