O anticiclón continúa de momento en Galicia neste 8 de marzo, Día Internacional da Muller. Unha xornada reivindicativa que nesta ocasión virá marcada tamén pola pandemia. A plataforma Galegas 8M, varios sindicatos e o BNG apoian as mobilizacións na rúa, que se farán respetando as medidas sanitarias.
O PSdeG aposta por actos máis simbólicos e reducidos, mentres dende o PP aseguran que deben primar os criterios de saúde pública.
En todo caso, un 8M distinto, como todo nesta pandemia, que de momento se mantén dobregando a curva. Dende esta pasada medianoite, ademais, un novo paso na desescalada. Agora xa coas áreas da Coruña e Pontevedra abertas e case toda Galicia en nivel medio de restriccións. Entre outras cousas, significa que o 95 por cento dos galegos pode circular dende hoxe por case toda a comunidade.
