Informativo Galicia 7:45 - 09/03/21

Nin sequera a pandemia puido co feminismo galego, que este Día da Muller cumpriu o guión previsto e saíu á rúa para lembrar que aínda non hai igualdade real. Houbo máscaras, houbo distancia social, pero as reivindicacións intactas.

Xa a última hora, tra-la entrega das Medallas Pardo Bazán na Coruña, o presidente da Xunta deixaba un dos anuncios da xornada: o Estado e o goberno galego estudan agora recorrer a sentenza do pazo de Meirás.

Polo demais, hoxe, nova reunión do comité clínico de expertos sanitarios. Non se agardan grandes novidades, neste martes, 9 de marzo, no que o frío segue acompañando, pero con menos vento.