Volven as sesións do xuízo do Alvia na Cidade da Cultura de Santiago despois do paro do Nadal. É a recta final da acción penal con máis dunha decena de peritos citados nas vindeiras semanas. Esta mañá será a quenda de quen fora responsable do departamento de investigación de accidentes de Renfe.
E a saturación nas urxencias do Montecelo o pasado fin de semana provocaron o cruce de reproches no Parlamento. PSdeG e nacionalistas acusan á Xunta de mala xestión, dunha política sanitaria prexudicial. O PP deféndese, di que fan o que poden e pasan a responsabilidade ó goberno central.
En Compostela, as autoridades comprométense a reforza-la seguridade ante os dous actos violentos ás portas de localis de lecer nocturno cun falecido e un ferido grave.
As negociacións de Stellantis e sindicatos deixan unha cifra: 5 mil traballadores veranse incluídos no ERE voluntario e no ERTE flexible, de 90 días ó longo deste ano
