O bo tempo trae desgraciadamente aparellada a aparición dos incendios forestais en calquera punto da nosa xeografía. Arestora estamos moi pendentes do que na tarde pasada se delcarou no concello ourensán de Rubiá. Cando ao solpor se retiraron os sete avións e os cinco helicópteros que participaban na súa extinción perimetraban a área afectada polas lapas en 150 hectáreas. Veremos canto se extendeu na noite.
A CIG cualifica de crítica a situación da atención primaria en toda a provincia de Pontevedra. Aseguran que os tempos de espera para unha cita poden chegar a mais dun mes.
En Malpica a marcha do goberno municipal do único concelleiro independente deixa ao alcalde socialista sen maioría. Polo momento non se plantexa unha moción de censura.
A Deputación de Ourense estuda a posibilidade de reconverte-lo Pazo Provincial nun hotel-balneario. Hai augas termáis baixo o edificio.
