Decretada a posta en libertade, dun dos detidos en Monforte de Lemos, acusado de violación a duas mozas durante as festas patronais . O outro acusado ingresou nun centro de menores. o Concello de Monforte anunciou que se persoará como acusación particular no caso.
De seguido ampliamos esta información, agora, outros titulares da xornada con Paula Filgueiras
O Parque de bombeiros de Ordes reabre hoxe tras estar pechado por cuarta vez ante a falta de efectivos, provocada pola folga indefinida dos parques comarcais, activa dende o pasado mes de xuño
A asociación de veciños de Coeo e Recimil segue reclamando unha solución ao paso a nivel no que morreron dous traballadores de Adif, de 19 e 21 anos, tras seren embestidos por un tren o pasado 19 de Xuño.
O verme militar estase convertindo no principal problema pros agricultores de Santa Comba e Mazaricos debido ós agresivos ataques que están producindo nas plantacións do millo.
