Telexornal Galicia 02-07-2021

Os 21 estudantes galegos retornados de Mallorca están xa nas suas casas, en Arteixo, Cambre e Vimianzo, en corentena, e son sometidos a novas probas. Cinco foron trasladados en ambulancia dende Valencia, ao dar positivo. Outros dez, tamén positivos, permanecen en illamento no hotel de Palma. // Os novos contaxios rexistrados seguen en aumento, e os casos activos soben ata rozar hoxe os 2.000. A vacinación dos menores de 40 comenza a partir de mañá e dende o luns o Sergas porá en marcha un sistema de autocita para quen quedara sen vacinar dos grupos de idade maiores, ou persoas máis novas con circunstancias especiais. // O paro rexistrado cae en 7.588 persoas no mes de xuño. Con respecto ao ano pasado os desempregados son cerca de 27.000 menos, o maior descenso rexistrado na serie histórica, e Galicia encadena seis meses de recuperación do emprego. // O Pazo de Meirás abriu as súas portas ante a emoción das vitimas do franquismo e as asociacións memorialistas que foron as primeiras en visitalo trala recuperación para o patrimonio público. 02-07-2021