Telexornal Galicia 14-03-2022

Incidentes entre algún camioneiro e os membros dun piquete na xornada de paro do transporte por estrada, que se deixou notar en polígonos industriais. Os convocantes piden medidas para paliar a suba do prezo do gasóleo. // O sector da pesca pide tamén medidas de apoio ante o aumento cercano ao cen por cen nun mes. A suba estase a notar tamén á hora de encher o depósito dos coches e nos produtos da alimentación.. // A Garda Civil de Ourense está a investigar as circunstancias nas que morreu unha muller cuxo cadáver apareceu nun camión do lixo cando ía baleirar a carga nunha planta de transferencia de residuos do Carballiño. Unhas horas antes axentes da Garda Civil de Tráfico atopárana deambulando en pixama por unha autovía. // Lalín acolle xa en vivendas de particulares aos refuxiados ucraínos chegados na caravana humanitaria fletada polo concello. Unha viaxe solidaria, de máis de 7.000 quilómetros, compartida por un equipo de TVE. 14-03-2022