Telexornal Galicia 20-01-2021

Novo record de contaxios en Galicia: máis de 1.300 detectados nun so día, no que o Sergas comunica outros 14 falecementos. Os casos activos rozan xa os 15.000. // Os rastrexadores intensifican o seu labor entre os contactos estreitos dos veciños no concello ourensán de Xinzo de Limia, onde os infectados se teñen multiplicado nos últimos días, ata converterse no de maior incidencia de Galicia, //Endesa desbota manter operativa con biocombustibles a central das Pontes e anuncia o seu peche definitivo. Di que, logo das probas realizadas, a alternativa non resulta viable por razóns técnicas e ambientais. //Mobilización do sector dos peiteadores, barbeiros e profesionais da estética. Advirten do peche de miles de establecementos a causa do impacto da pandemia e da presión fiscal. 20-01-2021