Telexornal Galicia 22-04-2021

A vacina de Janssen xa se administra a grandes dependentes a domicilio. A pretensión da Xunta de vacinar con ela aos mariñeiros é rexeitada pola ministra de Sanidade. Tampouco acepta que o certificado galego de vacinación sirva para saltar o peche perimetral da comunidade. // Segue a medrar a incidencia acumulada. Está en 91 casos por 100.000 habitantes, mentres que baixa a media nacional a 229. Os casos activos aumentan en 64 no último día, con 220 novos contaxios, a segunda cifra máis alta no último mes. // Para non esquecer o control do colesterol durante a Pandemia, probas gratuítas, a pe de rúa. Recordan que en caso de infección de Covid, os pacientes con enfermidade cardiovascular teñen peor pronóstico. // A Muralla de Lugo, cumpre cen anos dende a sua declaración como Monumento Nacional. Un recoñecemento que puxo fin as agresións sofridas ao longo da historia. 22-04-2021