Telexornal Galicia 27-01-2022

As Tanxugueiras, emocionadas ao coñecer a masiva votación do público, que lles permite pasar á final no Benidorm Fest, pese a non figurar entre as apostas do xurado. // Os casos activos repuntan lixeiramente, logo de varios días á baixa, con máis de 6.000 novos contaxios, e hai tamén un aumento dos pacientes ingresados, anque se manteñen os que están nas UCI. // Compañeiros, familiares e autoridades, renden homenaxe na Coruña aos policías José Antonio Vilamor, Rodrigo Maseda e Javier López, coñecidos como os herois do Orzán, que perderon a vida no mar tentando salvar a do estudante eslovaco Tomas Velicky. Unha traxedia da que se cumplen xusto dez anos. // En Galicia creáronse 10.400 novos empregos durante o ano pasado, segundo os datos da Enquisa de poboación Activa. A cifra total de ocupados ascende a un millón cen mil persoas. 27-01-2022