Telexornal Galicia 27-05-2021

Primeiras vacinacións, nos hospitais de Ourense, coa segunda dose aos menores de 60 que recibiran AstraZéneca. A maioría prefiren repetir co fármaco dese laboratorio en vez de cambiar a Pfizer. // Os traballadores de Navantia Piden carga de traballo para o estaleiro, que non ten novos encargos ata dentro de máis dun ano. Ferrol sitúase no informe do INE cunha taxa de actividade que non chega ao 50 por cento, a máis baixa de España, e a de maior índice de paro de Galicia. //. Experimentos para visualizar as vías de contaxio da Covid e comprobar a eficiencia das máscaras. E Galiciencia, a feira científica para escolares, que se celebra de novo en liña, coa participación de 55 proxectos de investigación de estudantes de secundaria e 18 de primaria. //.Magos e magas de todo o mundo xeran ilusión en distintos escenarios. É o festival Lugomáxico, que enche de trucos variados a cidade, nunha nova edición adaptada á pandemia. Entre as estrelas invitadas, Dani Daortiz, considerado un dos mellores do mundo na modalidade de maxia de preto. 27-05-2021