Telexornal Galicia 28-06-2022

Malestar dos armadores, ante a prohibición pola Comisión Europea de todas as artes de pesca que afecten aos fondos mariños en máis de 90 áreas do Atlántico. Din que non hai estudos científicos que avalen unha medida tan restritiva, // Celébrase a ceremonia de entrega das Medallas Castelao deste ano, que recoñecen especialmente ao político nacionalista Camilo Nogueira, un dos veteranos da loita polo Estatuto de Autonomía. // Pontevedra acolle dende hoxe Campamentos de verán para nenos refuxiados ucraínos. Serán once días de actividades culturais, deportivas e de lecer, abertas tamén para as familias de acollida. // Lembranza de Samuel Luís, o mozo asasinado hai un ano na Coruña dunha malleira entre insultos homófobos, a ritmo de fado, a cargo de Davide Savado e Cibrán Seixo, na sua particular reivindicación no Día do Orgullo. 28-06-22