Delgado Gurriarán por Alonso Montero

O autor homenaxeado no día das Letras Galegas, Florencio Delgado Gurriarán, escribiu sobre os problemas de Galicia. Entre eles, "destacan os poemas sociolingüísticos, que denuncian a ridiculez dos que falan o castrapo e rexeitan o galego. Esta poesía sociolingüística só a fai el no período da República en Galicia", subliña Xesús Alonso Montero, profundo coñecedor do poeta valdeorrés, do que ven de publicar unha antoloxía, Poeta na terra, na guerra e no exilio.