Telexornal Galicia - 26/04/16

Segue a conmoción en Ferrol entre os veciños da camareira morta a coiteladas na madrugada de onte. A policía detivo a un home, cliente do local e dono dun bar próximo, como suposto autor do crime. O teléfono móbil da vítima foi o que puxo os investigadores sobre a pista // Alexandra Fernández amósase partidaria dun adianto das eleccións autonómicas galegas e de que coincidan coas xerais,se hai que repetilas. A portavoz de En Marea, no Congreso,tamén dixo, despois de ser recibida polo Rei, dentro das xestións para a formación de goberno, que En Marea baralla presentarse como partido instrumental, se se repiten os comicios xerais en xuño // A Conselleira do Medio Rural desliga os casos recentemente coñecidos de abandono de vacas en granxas, da crise do sector lácteo. Di que os gandeiros dispoñen de saídas, ofrecidas pola administración, en casos de falla de medios. Unións Agrarias di ter datos de que episodios de abandono coma o dunha granxa de Friol, si se deben á crise de prezos. 26/04/16