Telexornal Galicia - 14/06/16

Prestou declaración nos xulgados de Tui o visitador que nomeara o bispado no 2013 para recabar información sobre as actividades da orde dos chamados Miguelianos. A súa comparecencia foi en calidade de testemuña. A avogada de Miguel Rosendo, asegura que o informe que fixo daquela non aporta probas contra o lider da orde pero a representante da acusación afirma que corrobora as denuncias // Xuízo en Lugo da Operación Castro de Rei. O ex alcalde socialista, Juan José Díaz Valiño, e outros tres concelleiros ademáis da secretaria, dous técnicos e un empresario están acusados de contratacións irregulares de obras e de persoal. O exalcalde que se enfronta a unha petición de pena de case cinco anos negou as acusacións // En numerosas cidades e vilas de Galicia gardouse este mediodía un minuto de silencio en repulsa pola matanza de Orlando, nos estados Unidos. Unha desas concentracións tivo lugar en Vigo. 14/06/16