Telexornal Galicia - 20/06/16

Último día desta chuviosa primavera pero xa con tempo de verán. Despois das nubes baixas e néboas matinais os ceos foron quedando despexados en todo o país e as máximas oscilan entre os 22 graos da Coruña e os 32 de Ourense e boa parte da comunidade aproximarase aos 30 graos // 7000 traballadores equipados con 360 motobombas e 30 medios aéreos forman o dispositivo de loita contra o lume forestal que estará plenamente operativo a partir do inicio do mes que vén. A vixilancia e os traballos forestais son as prioridades deses equipos, logo dunha primavera chuviosa e da acumulación de herbazal e ramallada nos montes // Declara no xulgado o alcalde de Lalín, Rafael Cuiña, de Compromiso por Galicia, acusado dun presunto delicto de calumnias, logo dun informe da Garda Civil sobre unha suposta recollida de firmas, nunha parroquia do municipio, contra unha iniciativa do Partido Popular. 20/06/16