Telexornal Galicia - 01/07/16

Máis de 400 mil desprazamentos se agardan nas estradas galegas ata o domingo coincidindo coa primeira gran operación saída de vacacións do verán. Son 25 mil mais que hai un ano. Viaxes que tamén estarán máis controladas co dispositivo que prepara tráfico para incrementar a vixilancia especialmente nos treitos perigosos, onde haberá máis controis // Este 1 de xullo é o primeiro día no que unha vintena de praias galegas se declaran libres de fume. Son as dos concellos que voluntariamente se sumaron a iniciativa da consellería de sanidade para conseguir areais máis saudables. Nelas recomendarase non fumar pero non haberá sancións // A cidade da cultura vai acoller "o centro de excelencia en intelixencia de negocio" que porá en marcha a multinacional Hewlet Packard. Nel, 50 expertos da compañia asesorán a clientes nacionais e internacionais e a titulados universitarios sobre como xestionar ben os datos que ofrecen as novas tecnoloxias, que están en continua innovacion. 01/07/16