Telexornal Galicia - 28/04/20

Desembarcan en Vigo as catro toneladas de cocaína intervidas na segunda gran operación contra o tráfico de drogas en Galicia desde o confinamento. Coa detención de 28 persoas, dase por desartellada a principal banda de narcotransportistas da nosa comunidade // O paro aumentou en 11.000 persoas e perdéronse 13.000 empregos en Galicia durante o primeiro trimestre do ano. A enquisa de poboación activa publicada hoxe só recolle o impacto das dúas últimas semanas de marzo en estado de alarma // Profesionais sanitarios concéntranse nos principais hospitais de Pontevedra. Reclaman equipos de protección axeitados, test PCR para o seguemento do seu estado de sáude e máis persoal. En Galicia hai un milleiro de sanitarios infectados. 28/04/20