Telexornal Galicia - 17/06/20

A dirección de Alcoa dá por rematado o período informal de consultas e anuncia para o día 25 o comezo do proceso para despedir a 534 empregados, ao non considerar competitiva a producción de aluminio en San Cibrao. Os traballadores urxen as administracións a implicarse para presionar á empresa e a intensificar a mobilización cidadá // O próximo curso escolar comezará o 10 de setembro e rematará o 22 de xuño, segundo o calendario aprobado na mesa sectorial da consellería de Educación e os sindicatos. Os alumnos máis pequenos disporán de máis días de adaptación e as escolas infantís non aceptarán nenos que superen os 37 graos de temperatura // Instalado nas praias da enseada do Orzán, na Coruña, o dispositivo para controlar a afluencia de bañistas. Arcos detectores que se combinarán durante o verán con cámaras, semáforos e vixiantes a pé para evitar que se supere nos areais a presenza simultanea de 8.000 persoas. 17/06/20