Galicia en 2' - 20/11/20

As restriccións suavízanse no Carballiño que volve á fase 3, logo da significativa baixada da incidencia de casos na comarca nas últimas semanas. Os responsables da Xunta deciden, en cambio incorporar a listaxe de municipios con medidas especiais aos da Laracha e Vilalba. // A evolución da pandemia mantense estable en Galicia, con 9.096 casos activos. Os contaxios detectados nas últimas horas ascenderon a 700 e houbo 12 falecementos. Os pacientes ingresados nas UCI descenden a 97. // Especialistas en Medicina familiar denuncian que se están a cancelar citas para poñer a vacina da gripe a menores de 65 anos debido a escaseza de doses. A Xunta asegura que só se prioriza aos pacientes de risco. // O guitarrista ourensán Daniel Minimalia obtén o Grammy Latino ao mellor album instrumental do ano. 20/11/20