Galicia en 2' - 01/03/16

A Xunta reforzará o firme en máis de cincocentos kilómetros dos máis de cinco mil que compoñen a rede autonómica de estradas. Case a mitade destas obras levaranse a cabo en travesías urbanas.
Trátase dun plan extraordinario de actuación, dotado con 23 millóns de euros e que inclurà un total de 42 actuacións.
Poucas capturas no comezo da campaña da sardiña para a frota de cerco, uns 150 barcos. Ata novembro poderán pescar 14.000 toneladas a repartir con Portugal, cinco mil menos que o ano pasado. Contarán cunha cota de tres mil kilos á semana por barco ata o verán.
Dende hoxe os pais dos nenos que comezan o cole en infantil o próximo curso xa poden solicitar praza ata o 29 de marzo. Serán algo menos de 20 mil novos alumnos.O 95% das solicitudes deste curso conseguiron escolarizar aos nenos no centro que elexiran como primeira opción, unha porcentaxe que se reduce moito no caso das zonas urbanas nos colexios que concentran a maior demanda de prazas. (01/03/16)