Galicia en 2' - 02/12/13

A dirección de Navantia explícalles aos sindicatos o plan da empresa pública para os próximos catro anos, do que os traballadores temen recortes. En Ferrol un grupo deles pechouse no Concello como medida de presión // A Xunta enviará ao Parlamento un plan director de industria baseado na inclusión das factorías galegas nas cadeas de valor internacionais, para aproveitar os proxectos de desenvolvemento que vai por en marcha a Unión Europea // Xa é posible pedir consulta telefónica co médico de familia, en calquera centro de saúde de Galicia. O paciente pode elixir entre ser atendido de forma presencial ou por teléfono // Morre o exxeneral Alfonso Armada, condenado no seu día por participar no golpe de Estado do 23F. Pasaba tempadas no seu pazo de Vedra, dedicado ao cultivo de camelias // O Celta alónxase do descenso coa vitoria fronte ao Almería. En Segunda, reparto de puntos entre Deportivo e Lugo. 02/12/13