Galicia en 2 minutos 18-12-2024

En Viveiro investigan a morte dunha muller, de nacionalidade brasileira, á mans da súa parella. Os feitos tiveron lugar na vivenda que ambos compartían na parroquia de Covas | Os tradicionais sorteos de cestas de Nadal, están en risco de desaparición. É o que din os hostaleiros e pequenos comerciantes, ante a normativa autonómica que obriga a inscribirse nun rexistro e outros requisitos que consideran de imposible cumprimento | A Xunta considera positivo para a economía galega o pacto acadado entre a Unión Europea e Mercosur | O polémico proxecto de Altri centrou hoxe a sesión de control parlamentario ao presidente da Xunta | Un pacto entre pais e nais para que os nenos e nenas de 12 anos non teñan móbil con acceso a internet. É a iniciativa, pioneira en Galicia, dun colexio concertado de Santiago