Galicia en 2 minutos 29-01-2024

A planta de aluminio de Alcoa, volve hoxe a actividade, co rearranque das cubas electrolíticas, pese a que a dirección solicitara un aprazamento | O persoal médico de urxencias dos hospitais públicos de Galicia reclama revisar as súas condicións laborais. Aseguran que non poden ofrecer un servizo digno polo elevado número de horas que traballan | A colleita de grelos, botada a perder en gran parte polas choivas de novembro e decembro. No mercado a verdura, esencial para a elaboración de pratos como o cocido galego tradicional, está a acadar estes días prezos por riba dos catro euros o quilo | O Racing de Ferrol vence e mantense nos postos altos, mentres o Celta suma unha nova derrota que remata co público pedindo a marcha de Benítez.